សាលា ប៊ែលធី អន្តរជាតិ បានសហការជាមួយកាកបាទក្រហមកម្ពុជា រៀបចំពិធីបិទវគ្គបណ្តុះបណ្តាលវិជ្ជាសង្គ្រោះបឋមជូនដល់បុគ្គលិកអប់រំ នៃសាលា ប៊ែលធី អន្តរជាតិ និងបុគ្គលិក ប៊ែលធី ទេសចរណ៍ ក្រោមអធិបតីភាពដ៏ខ្ពង់ខ្ពស់ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធានកាកបាទក្រហមកម្ពុជា និងមានការអញ្ជើញចូលរួមដោយ ឯកឧត្តម លី ប៊ុនឆៃ អគ្គនាយករង ប៊ែលធី គ្រុប និងជាប្រធានគណៈគ្រប់គ្រងនាយកសាខា និងលោកជំទាវ លី លក្ខណា ព្រមទាំងឯកឧត្តម លោកជំទាវ ជាថ្នាក់ដឹកនាំ នៃកាកបាទក្រហមកម្ពុជា និងថ្នាក់ដឹកនាំ គណៈគ្រប់គ្រង និងបុគ្គលិកជាសិក្ខាកាមផងដែរ។

ពិធីនេះធ្វើឡើងក្នុងគោលបំណងពង្រឹងសមត្ថភាព ជំនាញវិជ្ជាសង្គ្រោះបឋម ដើម្បីអាចជួយជនរងគ្រោះប្រកបដោយប្រសិទ្ធភាពនៅក្នុងគ្រួសារ កន្លែងធ្វើការ សាលារៀន ដែលអាចកើតមានដោយចៃដន្យ និងអាចផ្សព្វផ្សាយបន្តដល់សហគមន៍រៀងៗខ្លួន ស្របតាមយុទ្ធសាស្ត្រ ឆ្នាំ ២០២១-២០៣០ របស់កាកបាទក្រហមកម្ពុជា «គ្រួសារ១មាន អ្នកចេះវិជ្ជាសង្គ្រោះបឋមម្នាក់»។

ពិធីនេះបានប្រព្រឹត្តទៅនារសៀលថ្ងៃព្រហស្បតិ៍ ១៤កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី៣០ ខែមេសា ឆ្នាំ២០២៦ នៅសាលបណ្តុះបណ្តាលជាន់ទី៣ នៃអគារស្នាក់ការកណ្តាល ប៊ែលធី គ្រុប។